Syltøyna, Lokøyna og Flogøyna
Vi er i gong med å leggja ny vassleidning til øyane. 

Vatn frå Nordvika til Ekren og Nese.
Leidningen frå tun Nordvika og til sjø er no på plass, det gjenstår noko arbeid med samankobling på Nordvika.
Vassleidning er lagt ut i sjø og arbeid med sveising av sjøleidningar er som planlagt.

På Ekren er det plassert kummer for landtak, det meste av leidningar er lagt ut i sjø. Arbeid på den meist trafikkerte vegstrekninga,
er i full gang. Her vil det foregå kontinuerlig fra til det er ferdig. Da vert arbeida lange dagar mandag tom torsdag, og det er plan at mest mogleg skal vere lukka i helga.

Nordvika
Her har ein i samarbeid med Dale Entreprenør AS bestemt å avventa til 10 april med å setja ned landtakskummena, slik at ein ikkje grev opp i vegen før påske. Dette for å sikra best mogleg tilkomst til kaien gjennom påskehelga.

Vi vil starte opp den 10 april med landtaket og leggja leidningar ut i sjø, slek at arbeidet med sjøleidningane kan føregå uavhengig av landarbeidene på Nordvika, Ekren og Nese. Vi vil her etterkvart halda informasjonsmøte i Fjellvar sine lokale, men då frå bygd til bygd.
Vi vil varsla med brev og oppslag om når ein ser føre seg å halda slike møter.

Både Fjellvar og entreprenørane set stor pris på mottakinga og det gode samarbeidet med dykk!

Vatn og avlaup til Vindenes.
Det er pr i dag gjennomført tilbudskonkurranse, og det er ein prosess med avklaringer. Vi venter at entreprenør vert velt 30.03.12.
Vi sjår for oss at det vert fysisk oppstart av arbeidet på Vindenes i løpet av april 2012.
Oppstart vil verta kunngjort på nettsiden, og med oppslag på tavler på Vindenes og i brev lagt i postkassane til dei som bur på Vindenes,
Vi vil også halda eit nytt oppstartsmøte med innbyggjarane, kor vi sjår for oss å ta med prosjekterande og velt entreprenør.
Det vil då verte høve til å stille spørsmål til dei enkelte, slik at ein kan få avklart mest mogleg av det ein lurer på.

Vi, beklager at oppstart er forseinka i forhold til kva vi antyda på første møte før jul.
Vi har verte veldig godt mottatt hjå dykk, og sjår fram mot å  få starta fysisk på arbeida.

Ny vassleidning i Fjæreidepollen
For å sikra vassforsyninga nordover i kommunen, vil det bli lagt ny vassleidning gjennom Fjæreidepollen.
Det vil bli henta inn tilbudspriser på arbeidet i løpet av mai månad, og om alt går etter planen vil leidninga bli lagt hausten 2012. 

Ny avlaupspumpestajon i Apalvågen og leidning til skulen
Byggjearbeida har starta opp, og vi reknar med å vere ferdig i løpet av juli månad.
Avlaupet vil då bli leia til reinseanlegget på Møvika.

Nytt reinseanlegg på Møvik
Grunnarbeidet har starta opp, og vi reknar med å ferdistilla reinseanlegget i januar 2013.

Ebbesvika - Øvre Snekkevika
Vi vil starte opp med prosjektering av leidningari frå Øvre Snekkevika mot Ebbesvika. Dersom alt går etter planen,
vil vi kunne starte med anleggsarbeida i siste halvdel av 2012.

Nytt vassverk Bildøybakken
For å sikre nok kapasitet og sikker vassforsyning i kommunen har vi starta opp med å prosjektera nytt vassverk i Bildøybakken. Dette skal kunne avlaste og supplere dagens vassverk på Fjæreide.